Mirvete Elmazi Mehmeti
Me batanije mbështjellë
e cigaren në buzë
shfryj brengën me veten
deri në rrapëllim shiu
Viti 2000
vetëm 36-t vjeçe
vdekja sa vinte e zhdukej
Gjysmë e alivanosur
shpirtin në grusht
shtrëngoja për gjoksi
që të mos më braktiste
Sa kam fjetur,nuk mbaj mend
nuk mbaj mend as rrugën
me rërë apo në kalldrëm
shtruar ishte
Mbaj mend,vetëm
batanijen e cigaren
që shfryja brengën
deri në rrapëllim shiu
në imazhin e një ëndrre.
