Drejtoria Rajonale e Policisë në Gjilan, për të parandaluar aksidentet në trafik, ka apeluar tek të gjithë ngasësit e automjeteve që të respektojnë dispozitat ligjore në trafik, uleni shpejtësinë, mos përdorini telefonin, vendosni rripin e sigurimit, kujdesin ndaj këmbësorëve, këmbësorëve që të përdorin vijat e bardha për kalimin e rrugës, dhe për mos e neglizhuar sinjalistikën rrugore dhe semaforët.
Njësia Rajonale e Trafikut Rrugor dhe Stacionet Policore të kësaj Drejtorie, gjatë periudhës kohore 07.03.2025 – 13.03.2025 në vazhdën e implementimit të planeve operative për siguri në trafik kanë shqiptuar njëmijë e nëntëqind e tridhjetë e pesë (1935) gjoba.
Gjatë kësaj periudhe në kuadër të këtyre planeve janë ndërmarr aktivitete edhe në:
- Hetim i gjashtëmbëdhjetë (16) aksidenteve të trafikut me dëme materiale,
- Hetim i katërmbëdhjetë (14) aksidenteve të trafikut me të lënduar,
- Shqiptuar masa e ndalim drejtimit të mjeteve motorike për njëzet e tre (23) ngasës.
“Siguria në rrugë është përgjegjësi e përbashkët, andaj edhe ndihmoni në uljen e aksidenteve dhe ruajtjen e jetës”, thuhet në apelin e Policisë së Kosovës./GJILANI INFO/
