Komiteti për Politikë dhe Financa (KPF), ka mbajtur sot mbledhjen e parë të rregullt për këtë vit. Gjatë këtij takim fillimisht kryesuesi Bekim Azizi, i ka falënderuar anëtarët e KPF-së për punën që kanë bërë gjatë vitit që kemi lënë pas. Ai dhe zv.kryetari i komunës së Vitisë, Hasan Aliu, kanë falënderuar edhe anëtarët e KPF-së nga subjektet e ndryshme politike në komunën e Vitisë për frymën e mirë demokratike që po zhvillohet në Viti, gjatë fushatës zgjedhore, duke shpresuar që kjo frymë të vazhdoj deri në fund.
Më pas anëtarët e KPF-së ngritën çështje të ndryshme në interes të qytetarëve vitias.
Përndryshe gjatë këtij takimi janë shqyrtuar dhe votuar me shumicë votash këto pika:
Shqyrtimi dhe miratimi i procesverbalit nga mbledhja e dymbëdhjetë e Komitetit për Politikë dhe Financa.
Propozim vendimi për caktimin e orarit të mbajtjes së takimeve të kuvendit të komunës së Vitisë për vitin 2025.
Propozim vendimi për plotësimin-ndryshimin e vendimit Nr. 01-035/02-1356, të datës 29.11.2024, për caktimin e normave tatimore për tatimin për pronat e paluajtshme për vitin 2025.
Propozim vendimi për ndryshimin-plotësimin e vendimit paraprak me nr. 01-035/02-1358 të datës 29.11.2024 për dhënien në shfrytëzim të pronës komunale përmes procedurës së shprehjes së interesit.
Gjithashtu në këtë takim u dhanë edhe disa informata si:
Informatë mbi punën e kuvendit komunal dhe komiteteve funksionale për periudhën Janar Dhjetor 2024.
Informatë mbi punën e komitetit për komunitete të komunës së Vitisë për periudhën Janar Dhjetor 2024. 7. Informatë për zbatimin e planit të KKSB-së për vitin 2024./GJILANI INFO/
