Në 43 vjetorin e vrasjes së veprimtarëve të shquar të çështjes kombëtare, Kadri Zeka e Jusuf dhe Bardhosh Gërvalla, janë bërë homazhe tek Varrezat e Dëshmorëve, varri dhe shtatorja e heroit Kadri Zeka në Gjilan.
Për të nderuar jetën dhe veprën e tre heronjve ishin edhe kryetari i Komunës së Gjilanit Alban Hyseni, përfaqësues nga Organizata e Veteranëve të Luftës së Ushtrisë Çlirimtare të Kosovës, zyrtarë komunalë, ata të subjekteve politike, familjarë të heroit Kadri Zeka, miqë dhe qytetarë.
Kadri Zeka dhe vëllezërit Jusuf dhe Bardhosh Gërvalla, si veprimtarë të shquar të çështjes kombëtare u vranë me 17 janar të vitit 1982 nga shërbimi sekret jugosllav apo 43 vite më parë në Shtutgart të Gjermanisë. /GJILANI INFO/
