Sadbere Gagica
Ende te ura na presin
Drejt qiellit-dallëndyshja var krahët
Në varrëse harrimi
Simfonia humb zërin mbi akrepa te arnuara, pa kthim
Tatuazhe jete qëndis në lëkuren time
Te porta e diellit
Hyn për të zgjuar gjumin e huazuar
Tutje qe stinë e dehur
Stinë udhëtimi mes ecjeve-etjeve
(Z)emra plot përshëndetje në gjurmët e penës
Mbi supe një thes plot mall
Këmisha e pranverës leckosur nga dashuritë
Vetmia me gjuan me lot të fshehur
Hesht në vargun e heshtjes
Nga vetmia në vetmi dridhem
Kujtimet murosa
Në galerinë e ëndrrave prush
Pluhur rreth zemrës u bë trishtimi
Lot i ngrirë
Si qiri ne zemër te akullt po digjem…
Poezia “Ende” e autores, Sadbere Gagica, fitoi vendin e dytë në konkursin letrar, organizuar në Kamenicë, me rastin e 28 Nëntorit, Ditës së Flamurit.
