Ndërkaq, për të njëjtën kohë kanë ndodhur edhe 584 aksidente trafiku me lëndime e janë shqiptuar 57 mijë gjobitje për ngasësit e automjeteve që kanë shkelur ligjin dhe rregullat në trafik.
Gjatë periudhës kohore, Janar – Shtator 2024 në Rajonin e Gjilanit kanë ndodhur 4 aksidente trafiku me fatalitet për dallim nga viti 2023 që patën ndodhur 7 raste, ka njoftuar togeri Ismet Hashani, zëdhënës.
Sipas tij, po për të njëjtën kohë kanë ndodhur 584 aksidente me lënime, kurse po për të njejtën periudhë të vitit të kaluar kanë ndodhur 651 raste.
Ndërkaq, numri i rasteve me dëme materiale gjatë të njejtës periudhë kohore kanë qenë 753 raste, kurse për të njejtën kohë në vitin e kaluar ishin 726 raste.
Zëdhënësi Hashani njoftoi edhe për gjobat në trafik me ç’rast tha se gjatë muajve Janar – Shtator të këtij viti kanë qenë 57 mijë gjobitje, kurse për të njëjten kohë në vitin e kaluar ishin 48 mije e 572 raste.
Ai apeloi për ngasësit e automjeteve që të jenë të kujdesshëm, automjetet e tyre të i kenë në gjendje teknike para se të kyçen në trafik si dhe të u përmbahen normave në trafik, duke kujtuar sezonin vjeshtor, kur mjegulla dhe lagështia e rrugëve janë evdiente./GJILANI INFO/
