Në kuadër të Teorit Rozë, në marshimin sensibilizues kundër kancerit të gjirit, kryetari i AAK-së, Nazim Gagica ka dorëzuar në Kuvendin Komunal kërkesën për mbështetje solide financiare dhe përkrahje e kujdes të vazhdueshëm institucional për të gjitha gratë e vajzat e prekura nga kanceri i gjirit.
“Kontributi ynë i përbashkët në realizimin e këtyre kërkesava dhe angazhimi në aktivitete sensibilizuese, tregon rëndësinë e të qenurit bashkë për të rritur ndërgjegjësimin e grave dhe vajzave për t’iu drejtuar institucioneve shëndetësore për të parandaluar kancerin dhe për të shpëtuar jetë”, ka thënë Gagica.
Kreu u AAK-së në Gjilan thotë se se iu ka bashkuar këtij aktiviteti të organizuar nga kryetarja e Gruas së Aleancës për Ardhmerinë e Kosovës (AGK), dega në Gjilan, Zarife Asllani, e përkrahur nga gratë aktiviste, zyrtarë publikë, punonjës të sektorit privat e publik dhe organizata të cilat mbështesin aktivitete ndërgjegjësimi./GJILANI INFO/
