Për t’a përmbyllur me sukses aksionin, – “Solidariteti në Vepër “, Kryqi i Kuq i Kosovës Dega në Kamenicë vazhdon me aktivitetet për grumbullimin gjërave ushqimore e higjienike dhe mjete financiare e të tjera të cilat ofrohen për njerëzit me nevoja nga donatorët.
“ Ditë më parë RC COLA KOSOVA, kishte përkrahur aksionin duke dhuruar pije të një vlere mbi 1 mijë euro. E, ndërkohë edhe Mega Market Nici Com ka dhhuruar 10 pako ushqimore e higjenike, pastaj një qytetare nga Konquli me 100 euro si dhe një qytetar nga Topanica e Kamenicës me 200 kilogram miell”, njofton stafi i Kryqit të Kuq, Dega në Kamenicë.
Njoftohet se Drejtoria e Arsimit në Kamenicë i ka njoftuar të gjitha shkollat e kësaj komune që t’a përkrahin aksionin “Solidariteti në Vepër” përmes stafit dhe nxënësve me mjete financiare, me gjëra ushqimore e higjienike.
Stafi i Kryqit të Kuq, gjithashtu ka njoftuar me shkrim, dhjetra biznese e kompani për t’a përkrahur aksionin.
“Qëllimi ynë është që t’a sigurojmë ushqimin, veshmbathjen, barnat, pagesën e rrymës dhe drutë për djegie për familjet që kanë nevojë”, thuhet nga ku staf.
Ndërkaq, iu bëhet apel qytetarëve, njerëzve të vullnetit të mirë për t’a ndihmuar aksionin në fjalë prej të cilit presin mbi 150 familje./GJILANI INFO/
