Mirishahe Limani Hiler
Po u rrite aty ku mbjellnin lule
ato do të dish t’i mbjellësh gjithëkund e gjithmonë.
Do ta dish me saktësi sa ujë e sa dhe kërkojnë
A çelin herët në mars
E a i mbajnë bulëzat e lulëzuara deri në shtator.
Do ta dish sa kohë për përkujdesje të kërkojnë
Se t’cilat diellin e mëngjesit apo t’pasditës e dojnë
Se t’cilat edhe dimrit të ftohtë i rezistojnë.
Po u rrite aty ku mbjellnin lule
Lulet do të dish t’i mbjellësh
në cilindo vend të globit që je
Andaj
Mbjellni, rritni e shpërndani në çdo shtëpi dashuri
Nuk ka model më t’mirë pos prindërve për fëmijët e tyre!
Nuk mësohet në libra se lulet mbjellen me një apo dy duar
Mbjell dashuri ashtu siç ti di,
aty ku je
Diell, ujë, tokë pjellore për shumë breza të jesh.
