Gjatë një vizite në Gjilan, kryetari i AAK-së, Ramush Haradinaj, para gazetarëve të mediave lokale, ka ngritur shqetësimin e tij për zgjidhjen e problemit që e shkakton mungesa e mjaftueshme e ujit të pijshëm, tash e sa vite për qytetarët e kësaj komune.
I pyetur për lexuesit e Agjencisë së Lajmeve “Gjilani Info” , se çka do të bënte për qytetarët e Gjilanit nëse i jepet mundsësia për të ardhur rishtazi në postin e Kryeministrit të Kosovës, Haradinaj ndër tjerash tha: “ Shqetësuese për Gjilani është furnizimi me ujë të pijshëm”.
Ai tha se duhet të përmbyllen projektet e nisura, sepse nëse lihen kështu është marre, duke theksuar se sigurimi i sasisë së nevojshme të ujit të pijshëm është çështje e një rëndësie të veçantë.
“ Ky problem duhet të zgjidhet jo vetëm sa për të plotësuar nevojat e qytetarëve për një periudhë kohore afatshkurtër, por për shumë breza të ardhshëmm”, nënvizoi Ramush Haradinaj.
Sipas tij, me zgjidhjen e këtij problemi, do të përfitonte edhe segmenti i industrisë, bujqësisë, fermerisë dhe shumçka tjetër./GJILANI INFO/
