Me rastin e përvjetorit të 25-të të Policisë së Kosovës, Drejtoria Rajonale e Policisë në Gjilan pati kënaqësinë t’i ftojë të gjithë qytetarët që të marrin pjesë në ngjarjen e veçantë “Porta e hapur”.
Ky aktivitet do të mbahet më datë 6 Shtator 2024 nga ora: 08:00 deri 16:00 dhe ka për qëllim të promovojë transparencën dhe të forcojë marrëdhëniet mes policisë dhe komunitetit.
Pjesëmarrësit do të kenë gjithashtu mundësinë të bëjnë pyetje dhe të diskutojnë me oficerët e policisë në lidhje me sfidat dhe arritjet e tyre.
Ky aktivitet është një mundësi e shkëlqyer për të forcuar lidhjet mes qytetarëve dhe policisë, duke kontribuar në ndërtimin e një ambienti më të sigurt dhe më të besueshëm për të gjithë. Ne ftojmë çdo qytetar që të marrë pjesë dhe të bëhet pjesë e këtij eventi të rëndësishëm.
Pjesëmarrësit janë të lutur të respektojnë orarin dhe udhëzimet e caktuara për vizita, dhe të kontribuojnë në suksesin e këtij aktiviteti përmes angazhimit dhe interesit të tyre.
Ju presim me kënaqësi që të festojmë së bashku dhe të forcojmë bashkëpunimin tonë të ndërsjellë, thuhet në njoftimin e policisë./GJILANI INFO/
