Prokurorja koordinatore e dhunës në familje, nga Prokuroria Themelore në Gjilan, znj. Rozelida Manastiri, ka pritur në takim monitorues nga EULEX, për dhunë në familje.
Gjatë këtij takimi, ishte e pranishme edhe prokurorja nga Departamenti i Krimeve të Rënda, znj. Leonora Kadriu, e cila paraprakisht ka qenë koordinatore për këto raste.
Fillimisht u prezantuan raportet e punës për gjashtëmujorin e parë të vitit 2024, duke theksuar që në këto raste nga prokurorët e kësaj prokurorie ndërmerren të gjitha masat e nevojshme që trajtimi i rasteve të dhunës në familje të bëhet me prioritet dhe të reagohet me urgjencë.
Po ashtu, u diskutuan edhe sfidat me të cilat ballafaqohen prokurorët e kësaj prokurorie lidhur me trajtimin e rasteve të dhunës në familje dhe njoftuan monitoruesit nga EULEX se në të gjitha rastet ku ka bazë ligjore ndalohen personat e dyshuar për dhunë në familje dhe ndaj tyre kërkohet masa për caktimin e paraburgimit.
Në fund të takimit, monitoruesit nga EULEX falënderuan prokuroret nga Prokuroria Themelore në Gjilan për gatishmërinë e pritjes dhe komunikimin e hapur./GJILANI INFO/
