Komuna e Vitisë, ka mbajtur dje një takim me banorët e fshatit Sadovinë e Jerlive dhe atë në kuadër të takimeve për planifikimin e buxhetit komunal 2025-2027. Në këtë takim për draft buxhetin e paraparë sipas kufijve fillestar ka folur zv. kryetari i komunës së Vitisë, Hasan Aliu dhe drejtoresha për Ekonomi, Financa dhe Zhvillim Rural, Milihate Ajeti. Ata potencuan rëndësinë e planifikimit të buxhetit me qytetarët vitias.
Gjatë këtij takimi banorët e Sadovinës parashtruan këto kërkesa:
– Të bëhet rregullimi i kanalizimit, pasi që një pjesë e kanalizimit të fshatit Begracë rrjedhë në këtë fshat.
– Të ndërtohet trotuari Sadovinë e Jerlive- Remnik i Ri.
– Të rregullohet rruga bujqësore në lagjen Avdyli
Pasi që në takim pati edhe banorë nga fshati Vërban ata kërkuan nga komuna:
– Rregullimin e hapësirës së brendshëm i shkollës së fshatit
– Vendosja e rrethojave në oborrin e shkollës
– Rregullimin e kulmit të shkollës
– Të bëhet vendosja e ndriçimit publik në disa pjesë të rrugës Vërban- Sadovinë.
Gjithashtu u parashtruan edhe disa kërkesa të tjera të cilat janë evidentuar nga përfaqësuesit komunal.
Përndryshe komuna e Vitisë me këtë takim po e përmbyll procesin e rregullt të planifikimit të buxhetit komunal.
Ndërsa në kuadër të buxhetimit me pjesëmarrje pritet të bëhet edhe votimi i propozimeve të banorëve të fshatit Smirë dhe atë me 23 korrik 2024 me fillim në ora: 19:00 në shkollën “Dëshmorët e 5 Prillit”-Smirë./GJILANI INFO/
