Ministresha e Drejtësisë, Albulena Haxhiu së bashku me kryetarin e Komunës së Gjilanit, Alban Hyseni, kane vizituar familjen strehuese të Aziz dhe Alije Hamdiut nga komuna e Gjilanit, me rastin e shënimit të Ditës së Familjes.
Ministresha Haxhiu ka thene se strehimi familjar është forma më e mirë e mbrojtjes për fëmijë pa përkujdesje prindërore, andaj edhe ka premtuar përkushtim maksimal që familjet strehuese të kenë trajtim të dinjiteteshëm, ashtu siç është përcaktuar me Ligjin për Shërbime Sociale dhe Familjare.
“Ambienti i ngrohtë familjar është vendi ku një fëmijë mund të rritet e të zhvillohet normalisht”, ka thene ajo.
Haxhiu ka thene se e gëzon fakti që të gjithë ishin mirënjohës për punën dhe angazhimin e Qeverisë dhe Ministrisë së Drejtësisë si dhe falënderoi organizatat UNICEF, OFAP dhe KOMF për gjithë angazhimin e tyre në mbështetje të familjeve strehuese.
Nderkaq, kreu i Komunës së Gjilanit, Alban Hyseni ka thënë se me rastin e Dites Ndërkombëtare tr Familjes se bashku me Ministren e Drejtësisë Albulena Haxhiu, kane vizituan familjen strehuese Hamdiu në Zhegër.
Sipas tij, në po këtë familje, jane takuan edhe familjet tjera strehuese nga Gjilani, Ferizaj dhe Shtimja.
“Diskutuam për sfidat dhe hapat e ndërmarrë nga Qeveria e Republikës së Kosovës dhe Komuna e Gjilanit. Ne kemi mbështetur e vizituar rregullisht para dhe pas qeverisjes tonë. Të bashkuar për mbështetje të qëndrueshme. Për familjet që strehojnë fëmijët”, ka thënë kreu i Gjilanit, Alban Hyseni./GJILANI INFO/
