Kryetari i AAK-së në Gjilan, Nazim Gagica, ka kujtuar sot me pietet të lartë dhe respekt të thellë Betejen e Zhegovcit, ngjarje kjo e cila ka ndodhur para 25 vjetësh.
Gjatë kësaj beteje, në altarin e lirisë ranë 8 ushtarë të UÇK-së dhe 18 civilë si dhe po të njëjtën ditë në fshatin Sllovi nga dora e armikut serb u vranë 49 civilë të pafajshëm shqiptarë.
Në fjalët përkushtuese për betejen e Zhegovcit, kryetari Gagica ka thënë:
Beteja e Zhegocit shënon kthesen e madhe në historinë e Kosovës. Vajzat e djemtë e uniformuar të UÇK-së, kishin vënë në dispozicion jetët e tyre për lirinë e atdheut.
Sot, në përvjetorin e kësaj beteje, kujtojmë e nderojmë të rënët e Zonës Operative të Karadakut dhe gjithë të tjerët të rënë në altarin e lirisë në secilën periudhë historike.
Lavdi të rënëve për liri! /GJILANI INFO/
