Kryetari i Komunës së Kamenicës Kadri Rahimaj ka njoftuar se tashmë fëmijët në çerdhen e Kamenicës do të konsumojnë vetëm ushqim të shëndetshëm.
“Gjatë vizitave të mia atje kam parë që fëmijët deri vonë nuk janë ushqyer shëndetshëm, për shkak që e njejta meny ka qenë për të gjithë fëmijët e të gjitha grupmoshave në çerdhe dhe gjithashtu menyja ka qenë e pasur me ushqime tejet të procesuara, jo të shëndetshme dhe rallë herë me prejardhje vendore. Këtë e kemi ndryshuar dhe jam shumë e lumtur për këtë.”-tha nutricionistja Diellza Arifi.
“Të ushqyerit e shëndetshëm është mjaft i rëndësishëm në çdo fazë jetësore e aq më shumë në fëmijërinë e hershme. Në institucionin parashkollor “Filizat” fëmijët ushqehen me ushqime të shëndetshme, gjë që ndikon në rritjen e zhvillimin e tyre, ku konsideroj se është një përparësi mjaftë e madhe për këtë institucion” –tha drejtoresha e IP “Filizat” Xhevrije Krasniqi./GJILANI INFO/
