Prej tyre, 1 aksident me fatalitet, 47 me lëndime dhe 70 syresh me dëme materiale, pohon togeri Ismet Hashani, zëdhënës i Policisë nga Rajoni i Gjilanit.
Edhe muaji janar i këtij viti në Rajonin e Gjilanit është karakterizuar me aksidente trafiku, shqiptime dënimesh për shkelje të dispozitave ligjore dhe rregullave të trafikut publik rrugor, si dhe me arrestime.
Togeri, Ismet Hashani, zëdhënës i Policisë së Kosovës nga Rajoni i Gjilanit për të përditshmen GJILANI INFO, tha sot se që nga fillimi i janarit të këtij viti e deri më 29 janar të jenë raportuar dhe hetuar 47 aksidente trafiku me lëndime si dhe 70 aksidente tjera me dëme materiale.
E, për dallim nga periudha e njetë e këtij viti, në janarin e vitit paraprak thuhet se ishin shënuar 55 aksidente trafiku me lëndime dhe 75 aksidente tjera vetëm me dëme materiale.
Sipas tij, gjatë janarit të po këtij viti është raportuar dhe hetuar një aksident me fatalitet, e për të cilin edhe janë arrestuar katër persona deri më tani.
Togeri Hashani ka apeluar pjesëmarrësit në komunikacion rrugor që gjatë drejtimin të mjeteve të tyre të jenë të përgatitur teknikisht dhe në ç’do moment t’iu përmbahen rregullave dhe normave të caktuara me ligjin mbi trafikun rrugor.
“Policia e Kosovës është e përkushtuar që të krijoj një ambient të qetë dhe të sigurtë për të gjithë pjesëmarrësit në trafikun rrugor’, ka theksuar ai.
Ndërkaq duke iu referuar shqiptimit të gjobave në trafik, për të njejtën periudhë tha se shifra e tyre ka arrijtur në 5 mijë 446 tiketa gjobitëse për dallim nga muaji i njetë në vitin 2023, apo shprehur ndryshe 533 tiketa gjobitëse trafiku më shumë./GJILANI INFO/
