Policia e Kosovës ka njoftuar për dy raste të vdekjes që kanë ndodhur gjatë 24 orëve në Obiliq dhe Matiqan.
Në rastin e parë në Obiliq, policia pas marrjes së informatës nga dëshmitarja, se viktima mashkull kosovar nuk është duke u përgjigjur në telefon, së bashku me njësinë e zjarrfikësve, me forcë kanë hapur derën e banesës së viktimës dhe të njëjtin e kanë gjetur në shtrat pa shenja jete, vdekjen e të cilit e ka konstatuar mjeku.
Me urdhër të prokurorit trupi i pajetë i viktimës është dërguar në IML për obduksion.
Në rastin tjetër në Matiqan është raportuar se viktima mashkull kosovar në shtëpinë e tij është gjetur pa shenja jete. Njësitë relevante kanë dalë në vendin e ngjarjes.
Mjeku kujdestar ka konstatuar vdekjen e viktimës. Me vendim të prokurorit trupi i pa jetë është dërguar në IML për obduksion.
