Departmenti i Stomatologjisë në Gjilan është shërbimi i dytë për nga numri i punëtorëve në QKMF, ka thënë për lexuesit e Agjencionit të Lajmeve GJILANI INFO, Prof.Ass.Dr. Musa Qazimi, Shef i këtij Departamenti.
Sipas tij, thuhet se aktualisht në këtë shërbim janë 16 doktorë të lëmive dhe specializimeve të ndyshme të cilët iu ofrojnë shërbime qytetarëve të kësaj komune si dhe 12 infermiere, por që ka nevojë edhe për afër 8 infermiere. Ndërkaq, numri i teknikeve dentar është 9 e që mund te thuhet se i plotëson nevojat e Stomatologjisë.
“Sa i përket kushteve të punës mund tē thuhet se ndertesa është e re dhe si e tillë ofron kushte të mira, kurse sa përket hapësirës jemi pak të kufizuar për shkak se gjatë transferimit nuk na është respektuar kërkesa jonë. E kur eshte fjala për aparaturë, shumica është e vjetëruar dhe e hargjuar”, ka thënë Shefi, Qazimi.
Kurse, sa përket diciplinës dhe vijueshmërisë u tha se stafi është mjaft i rregullt, por me disa përjashtime të vogla, kur është fjala për disa pushime mjekësore.
Prof.Ass, Dr. Musa Qazimi pohoi se mesatarja e pacientëve që marrin shërbime në QKMF dhe punktet në lagjet e qytetit: Dardani e Arbëri dhe fshatin Bresalc sillet rreth 65 pacientë brenda ditës.
Ndërkaq kur është fjala për furnizimin me matrial bëhet e ditur se gjendja është e mirë, e që ka sasi të mjaftushme në stok.
I pyetur për edukatën dhe kulturën shëndetësore të popullatës u tha se është mjaft e ultē dhe që len për të dëshiruar.
“ Kujdesi për shëndetin oral është mjaft i ultë, sepse mungon informimi i duhur për popullaten në këtë aspekt”, ka theksuar ai.
Lidhur me këtë ka porositur qytetarët që të kujdesen me shumë për shëndetin oral, sepse nuk ka mirëqenje shëndetsore të përgjithshme pa shëndet të mirë të hapësirës orale.
“Mendoj se kujdesi oral duhet të ngitet në një nivel shumë me të lartë, sepse jemi shumë prapa në krahasim me vendet përendimore dhe vendet e rajonit të cilat i kushtojn kujdes me të madh, duke bërë investime kapitale ne aparature dhe kuader. Dhe kjo mendoj pikërisht që na nevojitet në të ardhmen tonë”, tha Musa Qazimi, Shef i këtij Departamenti. /GJILANI INFO/
