Lëvizja Vetëvendosje ka prishur prishur koalicionin me Partinë Demokratike të Kosovës për qeverisje në Gjilan.
Lajmin e ka bërë të ditur kryetari i kësaj komune, Alban Hyseni, i cili ka thënë se kjo është bërë pas dështimit të seancës për të tretën herë me radhë.
“Kundërligjshmërinë dhe padrejtësinë e luftojmë, pa kompromis. Pas dështimit të seancës për të tretën herë me radhë, qeverisja e përbashkët me PDK në Gjilan ka marrë fund”, ka shkruar ai në Facebook.
Tutje, Hyseni ka thënë se janë edhe tri vendime të ngjashme që pritet të votohen, e që po bëhen shkaktarë për ndërprerjen e bashkëpunimit.
“Vendimet e konstatuara si të kundërligjshme, si dhe që favorizojnë individë e grupe të interesit janë tema që nuk diskutohen, por anulohen, pa alternativë!”
“Ne vazhdojmë të jemi të prerë në qëndrimet dhe parimet tona. Pavarësisht pengesave dhe barrierave të shumta nga shumë akterë, askush dhe asgjë nuk devijon misionin tonë”, ka përfunduar i pari i Gjilanit.
