Shteti i Kosovës ka patur një moment historik me datën 16 maj, kur u shënua
hapja zyrtare dhe themelimi i Shoqatës së Miqësisë Kosovë-Austri.
Eventi i ceremonisë së themelimit u mbajt me sukses dhe morën pjesë qindra
pjesëmarrës të ndryshëm, duke filluar nga Presidentja e Kosovës zonja Vjosa
Osmani-Sadriu, Kryeministri i Kosovës zoteri Albin Kurti, Eurodeputeti zoteri Lukas
Mandl, ambasadorë të vendeve të ndryshme, ministra, deputetë, kryetar të
komunave, përfaqësues të institucioneve qendrore dhe lokale, myftiu i Kosovës,
përfaqësues të bizneseve, akademia politike e Vjenës në krye me Anëtaren e
Parlamentit Austriak zonjen Bettina Rausch, përfaqësues të organizatave vendore
dhe ndërkombëtare, përfaqësues të mediave etj.
Në këtë ceremoni të rëndësishme, një figurë e shquar u prezantua si themelues
dhe President i Shoqatës së Miqësisë Kosovë-Austri, Avokati Arsim Vranovci. Ai
u prit me entuziazëm dhe mbështetje të madhe nga të gjithë pjesëmarrësit, duke
treguar se ka një reputacion të fortë dhe qëndrueshmëri në fushën e tij të
veprimtarisë.
Avokati Arsim Vranovci është një lider i njohur nga Anamorava dhe ka pasur një
rol të rëndësishëm në të gjithë Kosovën. Veprimtaria e tij si avokat dhe
angazhimi në fushën e të drejtave të njeriut i ka fituar respektin dhe admirimin e
shumë individëve.
Ai ka punuar me përkushtim për të ndihmuar ata që kanë pasur nevojë për mbrojtje ligjore dhe është një zë i fortë për drejtësi dhe barazi në shoqëri.
Me themelimin e Shoqatës së Miqësisë Kosovë-Austri, Avokati Arsim Vranovci
ka për qëllim të forcojë lidhjet ndërmjet dy vendeve dhe të promovojë
bashkëpunimin në fusha të ndryshme, duke filluar nga ekonomia, arsimi, kultura,
promovimi i investimeve dhe turizmi.
Vranovci synon të krijojë një platformë për shkëmbim të ideve dhe për të ndihmuar në ndërtimin e një marrëdhënie të ngushtë miqësie dhe bashkëpunimi.
Pjesëmarrja e personaliteteve të rëndësishme në ceremoninë e themelimit
tregon rëndësinë e kësaj shoqate dhe angazhimit të tyre në forcimin e
marrëdhënieve ndërmjet dy shteteve.
Ata shprehën mbështetjen e tyre për iniciativën e Avokatit Arsim Vranovci dhe u inkurajuan që të punojnë së bashku për të arritur qëllimet e përbashkëta./GJILANI INFO/
