Në betejën e cila filloi në orët e hershme të mëngjesit dhe zgjati deri rreth orës 23:00 të mbrëmjes, ishin vrarë dhjetra policë e qindra të tjerë ishin plagosur nga Tahir e Nebi Meha, ka thënë përmes faqës së tij zyrtare, Sami Lushtaku, nënkryetar i Komunës së Skenderajt.
Në 42 vjetorin e rënies, me nderin dhe krenarinë më të madhe, kujtojmë luftën dhe heroizmin e Tahir e Nebih Mehës, të cilët me 13 maj 1981 në Prekaz, kishin filluar një betejë të padëgjuar më parë me policinë e ish-Jugosllavisë.
Në betejën e cila filloi në orët e hershme të mëngjesit dhe zgjati deri rreth orës 23:00 të mbrëmjes, ishin vrarë dhjetra policë e qindra të tjerë ishin plagosur. Duke qenë strateg i jashtëzakonshëm dhe duke qenë e pamundur ta kapnin të gjallë, pas shumë orë luftimesh, forcat e mëdha me artileri të rëndë shembën kullën e tij, kurse në tërheqje e sipër, Tahiri ra heroikisht, në mbrojte të pragut të shtëpisë, së bashku me babë Nebihun.
“Tahiri u kthye në frymëzim të jashtëzakonshëm për të gjithë gjeneratat e mëvonshme, të cilat filluan rezistencën e organizimin deri në krijimin e Ushtrisë Çlirimtare të Kosovës”, ka theksuar, Lushtaku./GJILANI INFO/
