Drejtoria për Shërbime Publike, Ambient dhe Inspektorat në koordinim me Drejtorinë Komunale të Arsimit dhe shoqatën SHFPP “Pyjet e Dardanës” nga Kamenica, sot për nder të Ditës Ndërkombëtare të Pyjeve kanë mbjellur disa fidanë në shkollat e Kamenicës.
Këta 200 fidanë janë dhënë donacion nga kryetari i SHFFP “Pyjet e Dardanës”, Hamit Pireva, dhe u janë shpërndarë disa shkollave.
Shkollat përfituese të këtyre fidanëve ishin: SHFMU “Rexhep Mala’’-Topanicë, SHFMU “Xhavit Ahmeti’’- Hodonoc, SHMLM’ “Sejdi Kryeziu’’- Roganë, SHFMU “Sadri Misni”- Shipashnicë e Epërme, SHFMU “Hasan Prishtina”- Busavatë.
Komuna e Kamenicës është mirënjohëse dhe falënderon donatorin Hamit Pireva duke shpresuar edhe bashkëpunime tjera në të ardhmen./GJILANI INFO/
