Tragjedi në Zvicër, burri vret gruan dhe tre vajzat e tij, më pas veten

Policia zvicerane gjeti trupat anëtarëve të një familje brenda shtëpisë së tyre të djegur, sipas dyshimeve të para burri ka vrarë gruan dhe tre vajzat e tij, më pas veten.

“Pas dy ditë hetimesh intensive, skenari i një drame familjare është më i mundshmi sipas prokurorit përgjegjës për hetimin penal dhe hetuesve,” tha policia e kantonit Beau në një deklaratë.

Shtëpia, e vendosur në Yverdon-les-Bains, një qytet në brigjet e liqenit Nechatelle në kantonin Beau, tronditi të gjithë qytetin nga një shpërthim që ndodhi në orët e para të mëngjesit.

Trupat e anëtarëve të familjes që u gjetën nën rrënoja ishin të moshës: burri 45-vjeç, gruaja 40-vjeçe dhe tre vajzat e tyre, të moshës 5, 9 dhe 13 vjeçe.

“Pranë burrit, i cili mund të ketë qenë autori i katër vrasjeve të tjera, është gjetur një armë para se të vriste vetën”, tha policia, e cila për momentin përjashton “ mundësin e vrasjes nga një person i tretë”.

Ende nuk dihen zyrtarisht shkaqet e zjarrit, por policia foli për “prezencë të një sasie të madhe benzine në dhomat e ndryshme të shtëpisë.