Kryetari i Komunës së Gjilanit, Alban Hyseni se bashku me drejtoreshën e Drejtorisë së Arsimit në Gjilan, Albana Demiri, kanë pritur në zyrën e tij nxënësit e Gjimnazit Natyror “Xhavit Ahmeti” Era Januzin, Lum Jerliun dhe Olt Imerin, të cilët do të përfaqësojnë Kosovën në garat ndërkombëtare.
Me këta nxënës ishte edhe drejtori i Gjimnazit Natyror “Xhavit Ahmeti”, Bekim Mustafa si dhe profesori i matematikës Festim Shkodra, njëherit edhe koordinator i ekipit të Komunës së Gjilanit.
Era Januzi, Lum Jerliu dhe Olt Imeri janë 3 matematikantët e rinj gjilanas të cilët do të përfaqësojnë shtetin tonë në Olimpiadën Matematike Ndërkombëtare – IMO 2023 dhe Evropiane – IGMO 2023.
Kënaqësi gjithmonë takimi me nxënësit e dalluar të cilët na përfaqësojnë në gara ndërkombëtare. Erës, Lumit e Oltit, i urova fitoren në gara e u zotova që do vazhdojmë mbështetjen financiare për ta dhe moshatarët e tyre të cilët që po na bëjnë krenarë me arritjet e tyre përtej kufijve./GJILANI INFO/
