Kryetari i komunës së Vitisë, Sokol Haliti, këtë fundjavë ka marrë një mirënjohje nga Kryqi i Kuq i Kosovës-Dega në Viti për kontributin e dhën, por edhe në shenjë bashkëpunimi që ka pasur komuna e Vitisë me Kryqin e Kuq në Viti.
Këtë mirënjohje kryetari Haliti, e ka pranuar nga znj.Feride Hyseni, kryetare e Kryqit të Kuq të Kosovës.
Ai tha se kjo komunë ka pasur një bashkëpunim të mirë me këtë organizatë humanitare dhe i falënderoi ata për përkushtimin e tyre human.
Përndryshe, këtë mirënjohje kryetari Haliti, e ka pranuar gjatë Kuvendit e VI-të zgjedhor të Kryqit të Kuq të Kosovës-dega në Viti .
Në këtë Kuvend Zgjedhor kryetare e re e saj u zgjodh Dr. Gentiana Ferati si dhe kryesia prej 7 anëtarëve. Gjithashtu në këtë takim janë shqyrtuar plani i veprimit të punës dhe plani financiar në mes të dy Kuvendeve si dhe plani i veprimit të punës dhe plani financiar për 4 vitet e ardhshme. /GJILANI INFO/
