Në Qendrën për Punë Sociale të komunës së Gjilanit, janë të evidentuara 630 familje në skemën e ndihmave sociale, kurse një numër i mjaftueshëm i rasteve, janë larguar nga skema në fjalë për shkak të vlerësimeve nga Komisioni Mjekësor, bëri me dije sot, Mursel Zymberi, drejtor i Qendrës për Punë Sociale (QPS).
Sipas tij, rastet e përmendura të largimeve nga skema sociale, kanë ndodhur nga Komisioni Mjekësor, i cili është caktuar prej MPFT, i cili është duke e zbatuar vlerësimin e njejtë, sikur te pensionet invalidore. Dhe në këtë rast, sipas tij, pala me raporte mjeksore duhet të jetë me paaftësi mbi 80%, që t’a kalon komisioni.
“Bazuar në kriteret e ligjit të skemës së ndihmave sociale, familja e cila nuk ka vlerësimin pozitiv nga Komisioni Mjekësor, nuk mund të futet në bazën e të dhënave. Apo, edhe nëse është aktive lënda deri në momentin e vlerësimit, nëse vlerësimi është negativ, lënda duhet të largohet nga sistemi”, tha drejtori Zymberi.
Sipas tij, Komisioni Mjekësor formohet nga ana e MFPT, dhe nuk ka drejtën që të formohet nga komuna, as edhe një kompetencë shtesë.
“Përveq, asaj që shkruan në ligj, nuk iu është dhënë punëtorit social për të vlerësuar gjendjen e rëndë socio-ekonomike të pales”, theksoi Zymberi./GJILANI INFO/
