Biblioteka e qytetit “Fan S Noli” në Gjilan, si njëra ndër bibliotekat më të avancuara në Kosovë, ofron kushte optimale për lexuesit e saj. Ka hapësirë të mjaftueshme leximi, komoditet, qetësi, dhe pastërti. Kurse nga muaji shkurt biblioteka të gjithë përdoruesëve, lexuesëve dhe punëtorëve shkencor, përmes katalogut on-line https://plus.cobiss.net/cobiss/ks/sq/unpaywall iu ofron një bazë të të dhënave me mbi 30 milion artikuj dhe libra shkencor – në të gjitha gjuhët, duke mos harrur edhe fondin e saj bibliotekar me mbi 100 mijë libra dhe materiale tjera bibliotekare, tha Qazim Azizi, drejtori i kesaj biblioteke.
Sipas tij, interesimi i lexuesve këte vit është në nivelin e viteve të kaluara, por është rritur interesi i tyre për hulumtime dhe për punime shkencore e po ashtu edhe përdorimin e fondit të periodikut. Kurse biblioteka gjatë këtij viti ka pasuruar fondin e saj me një numër të konsiderueshëm të librave, revistave etj., e që mund të merret si i mjaftueshëm, me mbi 4 mijë ekzemplarë libra të rinjë që kanë hyrë në bibliotekë.
“Biblioteka hapet në ora 07.00 dhe mbyllet në ora 19.00, gjatë muajve korrik, gusht shtator, kurse kemi pasur një zgjatje të orarit me 3 orë shtesë dmth., biblioteka ka qenë e hapur deri ora 22.00”, tha ai.
Drejtori Azizi tha se sivjet edhe Ministria e Kulturës i ka dhuruar bibliotekës sonë mbi 1 mijë libra (siç edhe disa bibliotekave tjera në Kosovë), Komuna e Gjilanit po ashtu, përmes një projekti të madh ka blerë për bibliotekën libra në vlerë 10 mijë euro ato janë në Bibliotekë.
Nga ana tjeter thuhet se ka edhe donatorë tjerë, qytetarë, autorë – dashamirës e miq të bibliotekës dhe lexues të cilët i dhurojnë bibliotekës nga fondet e tyre.
Kurse duke iu referuar projekteve që realizohen nga biblioteka e qe janë në interes të lexuesve u tha se projekti më madhor i bibliotekës do të implementohet përfundimisht sivjet: formimi i katalogut elektronik të bibliotekës, pajisja e të gjithë anëtarëve me kartelë dixhitale, inventarizimi dhe kodimi i të gjitha librave dhe materialeve bibliotekare si dhe forma e pasurimit dhe huazimit elektronik për të gjithë lexuesit.
“Të gjithë anëtarët e bibliotekes mund të vijn e të marrnim dhe ta përdorin tanimë kartelën në formë elektronike pa asnjë problem. Kjo është risia dhe projekti tani për tani më i madh dhe më i rëndësishëm i bibliotekës, e që askush tjetër në Kosovë -asnjë bibliotekë, nuk ka arritur ta vë në funksion deri më tani.
Po ky, nuk është projekti i fundit, sepse në vitin e ardhshëm në 85 vjetorin e saj, biblioteka do të jetë edhe më kreative për lexuesit e saj, ngase i ka të gjitha potencialet, ekspertizën dhe entuziazmin e ecjes përpara, në hap me botën moderne- automatizimin e dixhitalizimin e gjithçkaje që është përbrenda saj./GJILANI INFO/
