Sot prita në takim udhëheqësen e Komitetit Amerikano-Hebraik, Avital Leibovich ku fillimisht diskutuam lidhur me situatën e përgjithshme në vend dhe mjedisin e sigurisë globale, duke shprehur vullnetin e përbashkët për angazhim të të gjithëve për sigurinë dhe stabilitetin e qëndrueshëm në rajon dhe më gjerë.
Ndër tjerash u përmendëm edhe bashkëpunimin e mirë në mes të dy vendeve dhe theksova se ky bashkëpunim, i cili i ka themelet nga historia e përbashkët e miqësisë nga e kaluara, është një dëshmi e përkushtimit të të dy vendeve për paqe dhe siguri, duke ndarë vlera të përbashkëta demokratike dhe qëndrueshmëri në sfidat globale.
Gjithashtu theksuam nevojën e thellimit të këtij bashkëpunimi në të gjitha fushat, duke përfshirë edhe bashkëpunimin strategjik në mbrojtje, ku u pajtuam që është shumë e rëndësishme të shtohet komunikimi dhe vizitat e ndërsjella të përfaqësuesve institucionalë.
Në fund të këtij takimi znj. Leibovich falënderoi popullin e Kosovës për mbështetjen ndaj popullit izraelit në sfidat me të cilat po përballet me ç ‘rast e falenderova për angazhimin e saj të shumtë për popullin tonë gjatë detyrave të ndryshme që ajo ka mbajtur deri tash, gjithashtu urova që sa më shpejtë të kalohet kjo luftë dhe të dominojë paqja në atë rajon./GJILANI INFO/
