Njazi Kastrati
-Tregim satirik-
Xha Cani, një mjeshtër i njohur në rrethin e tij, tërë jetën kishte punuar si mjeshtër, dhe kishte ba emër në ushtrimin e profesionin e tij.
Vitet kaluan e xha Cani tani kishte hyrë në moshë. Paksa ishte lodhur dhe ishte dobësuar nga imuniteti, sepse kishte pasur një problem me funksionimin e zemres për çka edhe kishte pasur një intervenim mjeksor diku në perëndim ku kishte qenw musafir. Pasi u kthy në vendlindje, ishte rezervu pak a shumë nga puna, sepse ashtu e kishte këshillu mjeku i tij atje. Përpos kësaj, mjeku atje i kishte propozu që kur të kthehet në vendlindje të shkon në kontrollim tek ndonjë kardiolog.
Pas disa muajsh pushimi të rekomanduar, i erdhi koha për kontrollim mjeksor, ashtu siç i kishte preferu mjeku në perëndim.
Shkoi te mjeku, ia caktoi terminin dhe pas nje jave hyri në derë tek kardiologu.
Duke e kontrollu mjeku po i thot: -Zotri, ju keni problem me valvulë!
Xha Cani kishte fillu më heret me i humbë pak nervat e iu kthy doktorit: -Çka je kah thua ore doctor, tridhjetepesë vjet jam marrë me punën e valvulës, prandaj mos më trego për valvulë sepse e di shumë mire! Ti m’trego për zemrën se si po funksionon e jo për valvulë.
-O zotri, a une jam doctor a ti? -More doctor, sa për valvulë une jam ma doctor se ti, sepse kam punu tridhjetepesë vjet rresht, a e kuptove?
-Shumë mirë pra, atëherë a ke mundësi me më kontrollu mua pasi qenke expert i valvulës, dhe në shenjë revolte mjeku hoqi uniformen dhe po ia dorëzon xha Canit. Ja uniforma, mere dhe vazhdo punën pasi qenke expert i valvules!
Gruaja e xha Canit që deri këtë moment vetëm ndëgjonte bisedën iu kthy mjekut: -Zotri mjek, të lutem mos u nervozo, sepse nga atëherë kur ka pasë intervenimin në zemër ky nuk është në rregull se shumë po nervozohet.
-Oj zonjë, ky burri yt si duket paska pasur intervenim në kokë e jo në zemër, sepse kështu sillën vetëm ata që kanë pasë problem me kokë e jo me zemër.
Gruaja e kapi për krahu burrin dhe filloi të dilte nga dhoma duke i kërku falje doktorit, ndërsa xha Cani aspak i qetësuar po i thot: -Ec moj grua, çka po i kërkon falje ketij kur s’po merrka vesh fare, as nuk e dikta çka është valvula, ky kujtojka që une se di çka është valvula a?
Xha Cani doli me gruan duke murmurit diçka, ndërsa mjeku i nervozuar solli kokën i habitur me sjelljen e pacientit te tij! /Gjilani Info/
