“Nën hijen e një peme u ula dhe qava” – premiera e radhës
Premiere nesër, e premte, 17 tetor – ora 20:00
Repriza e parë: të shtunën, 18 tetor – ora 20:00
Teatri i Qytetit të Gjilanit
Një bashkëpunim i rrallë kulturor mes Kosovës dhe Afrikës së Jugut që bashkon dy histori të largëta, por me plagë të ngjashme.
Shfaqja trajton faljen, pajtimin dhe shërimin shoqëror, duke ndërlidhur Aksionin e Pajtimit të Gjaqeve në Kosovë (1990) me Komisionin për të Vërtetën dhe Pajtimin në Afrikën e Jugut (1996) — dy momente historike që flasin për guximin për të falur.
Në skenë ngjiten aktorët Ilire Vinca, Arben Bajraktaraj dhe Ema Andrea, përkrah artistëve nga Afrika e Jugut Gontse Ntshegang, Kensiwe Tshabalala dhe Les Made.
Një udhëtim emocional i luajtur në anglisht, zulu dhe shqip, me titra në shqip.
Regjia: Blerta Neziraj
Teksti: Jeton Neziraj, në bashkëpunim me dramaturgun Greg Homann
Një shfaqje që lidh dy kontinente përmes artit, duke e bërë Teatrin e Gjilanit vend takimi për kujtesën, dhe hijen – vendin e shpresës.
Biletat në 045 222 525 ose drejtpërdrejt në Teatrin e Gjilanit
/Teatri i Qytetit të Gjilanit/
