Një person në Dobëlldeh të Vitisë, ka pësuar lëndime me armë zjarri, e që dyshohet se në drejtim të tij ka shtënë me armë gjuetie një person për motive të panjohura, rast ky për të cilin ka njoftuar policia.
Rasti nga Policia është cilësuar si vrasje në tentativë.
“Viktima për shkak të lëndimeve është dërguar për tretman mjekësor në Qendrën Emergjente të Gjilanit, ndërsa i dyshuari është larguar në drejtim të panjohu”, thuhet nga autoritet policore.
Sipas policisë, njësitet policore në konsultim e koordinim me prokurorin gjatë bastisjes në shtëpinë dhe objektet përcjellëse të dyshuarit kanë gjetur dhe konfiskuar: 1-pushkë gjysmë automatike, 1-pushkë pneumatike, 1-pistoletë me gaz, 149-fishekë, 3-gëzhoja dhe 2-DVR të kamerave të sigurisë.
Ky rast tashmë është duke u hetuar nga policia./GJILANI INFO/
