Gjatë ditës së sotme mbi vendin tonë do të mbajë mot kryesisht me diell dhe vranësira të pjesshme. Megjithatë, në orët e pasdites pritet kalimi i një fronti të ftohtë nga veriu drejt jugut, i cili do të sjellë shtim të vranësirave dhe reshje shiu në gjithë territorin.
Sipas parashikimeve, reshjet në disa zona mund të paraqiten në formë rrebeshesh afatshkurtra. Era do të fryjë nga drejtime të ndryshme dhe herë pas here pritet të jetë mjaft e fuqishme, me shpejtësi prej 17 deri në 54 km/h.
Temperaturat minimale do të lëvizin ndërmjet 0 dhe 3°C, ndërsa ato maksimale nga 12 deri në 15°C. Pasditja pritet të sjellë edhe ulje të shpejtë të temperaturave si pasojë e depërtimit të masave të ftohta ajrore./Gjilani INFO/
