Skender Zogaj
(Mikut tim, artistit Luan Daka)
Si burrat e Motit të Madh,
Të besës, shpatës e të pushkës,
Ti hyre në Tempullin e Talias
Me urtësi e kalle zjarrin e shpresës,
U bëre flakafan në magjinë e lojës,
Të gatuar me gjak e mjaltë,
Pas shuarjes së diellit në Dardani.
I bekuar shkove në Moskë,
T’i shihje maskat dhe djallëzitë mondane —
Nëpër sallonet e akullta, i vetëm,
Me qiriun në dorë, plot dritë,
Kosovës ia vizatove zemrën në hartë.
Në pasqyrë ua gërvishe bojën maskave,
Më e bukura e stinës u bë e jotja —
O kopshtar i urtë, i mirë, plot lavdi,
Kurmi yt fanar lavdie në Dardani./Gjilani INFO/
