Është mbajtur edicioni i 6 i festivalit “Teen Fest Kosova”, në Shkollën e Muzikës në Gjilan, organizuar nga NGO “Defko production” dhe mbështetur nga: Komuna e Gjilanit, përkatësisht Drejtorati për Kulturë, Rini e Sport.
Pos kryetarit të Komunës së Gjilanit, Alban Hyseni, i pranishëm në festival ishte edhe drejtori për Kulturë, Rini dhe Sport , Kushtrim Zeqiri.
Alban Hyseni, tha se Teen Fest… në edicionin e tij të 6-të solli edhe këtë vit shumë energji, talent dhe atmosferë rinore në qytetin tonë.
I pari i Gjilanit, theksoi se ky festival, i organizuar nga producenti Dëfrim Behluli, po bëhet një ndër ngjarjet më të rëndësishme kulturore që i jep hapësirë të rinjve për të shprehur talentin e tyre muzikor.
“Si komunë, mbetemi të përkushtuar të mbështesim iniciativa të tilla që fuqizojnë të rinjtë dhe pasurojnë jetën kulturore të Gjilanit”, tha kryetari i Gjilanit, Alban Hyseni. /GJILANI INFO/
