Kryetari i Komisionit për Ekonomi, Ferat Shala ka thënë se një vendim i tillë është i papranueshëm për qytetarët, sepse ua rëndon jetën atyre, kurse një qytetar aplikimin e këtij vendimi e ka vlerësues ndëshkues.
Përderisa, vitin e kaluar ka pasur shtrenjtim të energjisë elektrike në Kosovë, nga fillimi i muaji gusht të këtij viti, qytetarët që nuk paguajnë faturat mujore të energjisë elektrike, do të gjobiten nga Kompania Kosovare e Distribuimit të Energjisë.
Vendimi ka hyrë në fuqi nga e ejtja e këtij muaji për tarifën prej 17.70 eurosh që përdoruesit duhet ta paguajnë në rast se shkyçen nga rrjeti elektrik.
KEDS ka thënë se me këtë vetëm po respektohet rregullorja e Zyrës së Rregullatorit të Energjisë.
“Në çdo kompani jo vetëm në Kosovës por kudo në botë, në rajon e implementon një taksë të tillë sepse për KEDS-in është një kosto shtesë që një punëtor i KEDS-it në vend se t’i kryejë detyrat dhe përgjegjësitë e tij ditore të merret me shkyçjen e një konsumatori kushtimisht të papërgjegjshëm që nuk i ka kryer obligimet e pagesës”, ka thënë Lulzim Krasniqi, zëdhënës i KEDS-it.
Nga ana tjetër, një qytetar i cili kërkoi të jetë anonim, tha se nuk e ka mirëpritur këtë vendim, madje aplikimin e këtij vendimi e ka vlerësues ndëshkues.
Ai ka thënë se që duhet t’u lehtësohen shërbimet e energjisë elektrike qytetarëve, e jo të aplikohen masa të tilla ndëshkuese.
Ndërkaq, kryetari i Komisionit për Ekonomi, Ferat Shala ka thene se një vendim i tillë është i papranueshëm për qytetarët, sepse ua rëndon jetën atyre.
