Kryetari i Komunës së Gjilanit, Alban Hyseni, bashkë me drejtorin e Arsimit, Shpend Nuhiun, atë për Kulturë, Rini dhe Sport, Kushtrim Zeqirin dhe drejtuesin i Galerisë së Arteve në Gjilan, Din Azizin, janë takuar me drejtorin e Shkollës së Muzikës, Kushtrim Jakupin, drejtorin e Shkollës së Artit, Roland Masuricën dhe me Arton Hoxhën, drejtor i Qendrës Rajonale për Trashëgimi Kulturore.
I pari i Gjilanit, tregoi se zhvilluan një takim koordinues me drejtorët e shkollave të mesme rreth iniciativës “Arti në Shkolla”.
“Kjo iniciativë, e nisur para dy vitesh në komunën tonë, ka dhënë rezultate të prekshme dhe jemi të vendosur që ta vazhdojmë edhe në vitet e ardhshme, duke sjellë më shumë art e kulturë për nxënësit tanë”, tha kryetari Alban Hyseni./Gjilani INFO/
