“LDK mbetet gjithmonë shtëpi e përbashkët, LDK mbetet gjithmonë parti që jep dije, përkushtim e dashni sepse atdheu ynë është mbi të gjithë”, thote Lutfi Haziri, kandidati i LDK-së për deputet të Kuvendit të Kosovës, në zgjedhjet e 28 dhjetorit.
***
Me besim në familje, atdhe e Zot, jam rritur, jam kultivuar, jam zhvilluar dhe po vazhdoj të kontribuoj çdo ditë.
Të dashur qytetarë e bashkëveprimtarë e bashkatdhetarë,
Nuk është me rëndësi vetëm numri 5 në listën e LDK-së, por me rëndësi është numri 123, numër që ju fton të na jepni besim, sepse për këto 36 vite, ne qëndruam afër, ne punuam bashkë për Republikën, për lirinë, pavarësinë dhe për demokracinë e saj.
LDK mbetet gjithmonë shtëpi e përbashkët, LDK mbetet gjithmonë parti që jep dije, përkushtim e dashni sepse atdheu ynë është mbi të gjithë.
Për këto 36 vite, LDK ka udhëhequr me vizion dhe politikë të butë, të urtë e të mençur për të gjithë qytetarët e Republikës.
Për lirinë e saj, ne kemi dhënë sakrificë, për demokracinë e saj, ne kemi dhënë përkushtim dhe për zhvillimin e Kosovës, ne kemi dhënë dije.
Ne jemi të gatshëm t’i rikthehemi rolit tonë, për t’i bashkuar të gjithë në një qeverisje të mirë, të hapur, të pastër dhe, mbi të gjitha, për zhvillimin e Republikës.
Me besim në familje, në atdhe e në Zot, jam rritur, jam kultivuar, jam zhvilluar dhe po vazhdoj të kontribuoj çdo ditë.
Familja ime e madhe, familja ime politike, gjithmonë mbetet Lidhja Demokratike e Kosovës, mbi të cilën dhe për të cilën do të vazhdoj të punoj me përkushtimin më të madh.
U rrita afër njerëzve që përmes librave na mësuan se si duhet atdheu. U rrita afër familjes që përmes sakrificës na mësuan se si duhet atdheu.
U rrita afër prijësit të urtë e të butë, i cili na bashkoi e na mësoi se si duhet të punojmë bashkë për Republikën, se si duhet të punojmë bashkë për lirinë dhe se si duhet bashkë që ta ndërtojmë shtëpinë tonë – Republikën e Kosovës.
Do të mbetem gjithmonë, Luta juaj!
