Një nga pjatat më të famshme – cordon bleu, mund ta bëni vetë
Besohet se ‘cordon bleu’ është bërë fillimisht në Zvicër, ndërsa më vonë u krijuan versione të ndryshme të kësaj pjate. Zakonisht mbushet me proshutë dhe djathë, dhe receta origjinale përdor mish viçi.
Nga mishi i pulës, është përgatitur më vonë në Amerikë, por cilindo mish ta zgjidhni për cordon bleu, nuk do të gaboni sepse pjata është e shijshme, transmeton Telegrafi.
Përbërësit:
– 4 bërxolla të holla mish viçi,
– 120 g proshutë,
– djathë i fortë sipas dëshirës tuaj,
– 3 vezë,
– 120 g thërrime buke,
– 100 g miell,
– pak kripë
Përgatitja:
Bërxollat duhet të jenë të holla dhe pa yndyrë.
Kaloni mbi to anën e lëmuar të thikës, më pas radhisni proshutën dhe djathin.
Palosni mishin në gjysmë.
Rrotulloni në miell, më pas në vezët e rrahura dhe në thërrime buke.
I renditim në një tepsi dhe i fusim në frigorifer për një orë dhe më pas i skuqim.
Ju bëftë mirë.
