Partitë politike do të hapin zyrtarisht sot fushatën zgjedhore për zgjedhjet e 9 shkurtit.
Tubimet e para që janë zyrtarisht në kuadër të fushatës, do të mbahen në qytete dhe orë të ndryshme.
Koalicioni AAK – Nisma – Konservatorët – Forumi Intelektual E-30 dhe Lista Ideal me rastin e nisjes së fushatës zgjedhore në Kosovë kanë bërë nderime në memorialin e familjes Jashari në Prekaz në ora 10:45.
Partia Demokratike e Kosovës do të ketë takimin me qytetarë në Sallën 1 Tetori nga ora 16:30.
Lidhja Demokratike e Kosovës do të nisë fushatën e saj në Pallatin e Rinisë nga ora 17:00.
Lëvizja Vetëvendosje do të hapë zyrtarisht fushatën në sallën e sporteve “Shan Nushi” në Gjakovë nga ora 18:00.
Koalicioni për Familjen do të mbajë tubimin e saj në ora 18:30, në Klan Arena.
