Prokuroria Themelore në Gjilan ka njoftuar se gjatë ditës së enjte, më 12 nëntor 2026, në dy raste të ndara, me urdhër të prokurorit kujdestar, janë ndaluar dy persona të dyshuar për vepra të ndryshme penale.
Sipas njoftimit zyrtar, njëri nga të dyshuarit është ndaluar për veprën penale “Tentim vrasje”, ndërsa personi tjetër për veprën penale “Dhuna në familje”.
Po ashtu, gjatë kësaj periudhe, Prokuroria Themelore në Gjilan ka ushtruar tri kërkesa për caktimin e masës së paraburgimit ndaj tre personave, për këto vepra penale: Një kërkesë për veprën penale “Tentim vrasje”, një kërkesë tjetër për veprën penale “Mosbindja ndaj gjykatës” dhe kërkesën për veprën penale “Dhuna në familje”.
Të gjitha rastet janë duke u trajtuar nga organet e drejtësisë, në përputhje me procedurat ligjore në fuqi./Gjilani INFO/
